生日來來去去都係食飯、唱K、切生日蛋糕？有啲乜嘢可以令生日呢個重要嘅日子變得難忘呢？等我介紹幾個喺有Chill有潮嘅好去處俾大家啦
1>輕鬆又Chill : 摩登露營
有冇諗過唔係市區過生日呢？香港人日忙夜忙一啲喘息嘅空間都冇，如果喺漫天星空嘅環境下同朋友把酒言歡慶祝生日，你話幾好呢！不過一諗到要準備露營嘅物品，又要清理的確好麻煩。呢個時候選擇好嘅露營營地就可以輕輕鬆鬆玩一晚啦。現在嘅營地有熱水沖涼、有電磁爐、有熱水煲，真係隨時正過自己屋企。
2>驚險又刺激 : 逃脫密室
有咩好得過同朋友一齊出生入死，創造驚險又刺激嘅冒險呢。冇錯！一場精彩嘅冒險等緊你！
點樣做到？即刻搵一間逃脫密室就可以滿足到你嘅願望啦。逃脫密室就係要你同你既朋友喺一個模擬真實嘅環境之下完成不同既任務。只要大概一個鐘就可以充分體驗合作、探索和解謎。呢個體驗一定會令你同你嘅朋友記得你嘅生日。
偷偷地話你知 : 有一間Fox in a Box仲可以幫你係遊戲中帶來生日驚喜架。
3>熱鬧又興奮 : 跑馬地馬場
你冇睇錯我係介紹緊你入馬場，唔好以為跑馬一定係一班大叔喺度大大聲咁嗌，其實係外國睇賽馬本來就係貴族嘅活動。而且可能好多人都唔知星期三嘅跑馬地馬場有好多食嘢飲嘢既攤位，感覺都幾似蘭桂坊㗎。所以好多喺港島區住嘅外國朋友都會嚟呢度飲下酒感受一下賽馬嘅氣氛。喺呢度搞個別開生面嘅生日派對都係一個唔錯嘅選擇嚟㗎。
4>溫馨又窩心 : 保鮮玫瑰花燈DIY工作坊
想花點心思為情人準備一個生日驚喜的話，不如考慮參加保鮮玫瑰花燈DIY工作坊，親手為另一半製作禮物，亦可以帶同另一半一齊參加，一同體驗製作過程。除了可以親自設計保鮮玫瑰花夜燈外，亦可以學習保鮮花處理技巧及保養。夜燈造型優雅美觀，又可以當作小擺設，情人收到這盞由你親手製作的獨一無二保鮮玫瑰花燈，保證會甜入心！
睇完咁多介紹,下個生日你知點做啦!