好多人以為要自己設計密室係好大工程既事，但其實要做一間簡單又一次性使用既密室大概只一至兩天就可以。由構想、設計、買材料、布置都係一個人就可以。
相信剛剛過去的一個萬聖節，大家都出去酒吧、鬼屋、主題樂園等等玩。不過有冇諗過除左可以係出面消費，其實可以邀請朋友來家中玩個好既逃脫密室，俾佢地一個驚喜又有回憶既節日/生日?
上個星期我地既設計師就去左東涌既一間社區中心同一班學生設計左一間勁好玩既密室，等我一步步帶睇下你又可以點樣好似佢地咁做到在家設計啦!
選擇主題及任務
選擇主題及任務已經決定左一個密室好不好玩，要做到和節日的特色配合就可以凸顯你的心思。好似同學仔選擇左最近非常火爆既人口販賣主題配合萬聖節既血紅色彩，再加上任務目的是要逃出學校就更加貼合環境。多想想一想你想準備的節日有什麼特色，又或者生日的人喜歡什麼東西作為主題就更正啦!
用盡地利
在家設計同係外面既玩密室最唔同既地方就係環境，要善用家裡每一件可以用既物品，例如 : 梳化、雪櫃、門等等都可以係收藏東西既地方. 由其是燈光, 如果家中的燈可以調教就可以令部份位置變的暗,以便收藏物品. 又或者用一些玻璃紙改變燈光的顏色也可以啊!
利用一些顯眼的東西,例如 : 日歷、電話、座台燈、雪櫃門(磁力)、油壓床、玻璃台等 做出來的效果會更加貼切生活，而當朋友發現會覺得喜出望外啦!
容易的迷題
很多人誤解，做密室要很多難的迷題。但事實係簡單既迷題才是設計師常用的，因為做遊戲既目的係要參與者享受過程和通關，太難的題目只會令人氣餒。隨便上網找些題目參考，然後跟據你的場地作少少更改就可以了。最重要是你要知道大部份人都未試過玩密室，你的舊題目對他們來說永遠是新的。
主題的裝飾
大部份主題的裝飾都可以令參與都更投入遊戲，如果可以利用裝飾做迷題的話會有更佳效果。聖誕節用聖誕樹做迷題，生日會用氣球，復活節用朱古力蛋等等，最後把送給朋友的禮物做成終極迷題，保證他們畢生難忘!
講左咁多，希望大家都做到一個好玩既密室，當然如果唔想諗咁多，都可以交俾專業人仕代勞既 。
Fox in a box現在有到家設計服務，有興趣可以找佢地傾傾。
博客
請稍等…